الصويرة..دركي بين الحياة والموت بعد حادث مروّع في الطريق الوطنية

#فريق الأخبار
نهار اليوم بكري، وقعات كسيدة خايبة قرب جماعة الحسينات فالطريق الوطنية رقم 8، كان فيها واحد دركي تابع للكوكبة ديال الدراجين فالصويرة، اللي كان كيدير خدمتو كيما العادة، كيراقب الطريق وكيواكب حركة السير، ولكن فجأة فقد السيطرة على الموتور ديالو، في ظروف غامضة
الضربة كانت قوية، وتصاب إصابة خطيرة، ومن بعدها جات لومبيلونس “سيارة الإسعاف” دغيا وهزاتو للمستشفى الإقليمي فالصويرة، ودابا كيدوز فحوصات دقيقة وكيحاول الطاقم الطبي يسيطر على الوضع.
هاد الكسيدة خلات حالة من القلق والاستنفار وسط الدرك والسلطات فجهة الصويرة، وبداو تحقيق ميداني باش يفهمو شنو طرا بالضبط وكيفاش وقعات هاد الواقعة.
وفي هاد المناسبة الاليمة، كنطلبو من الله يشافيه ويرجع لدارو بخير، وكنتمناو السلامة لكل رجال الأمن اللي كيخدمو كل نهار وسط المخاطر باش يحميو الناس ويأمنو الطرق.